БИЛЬЯРД:

Бильярдын тэмцээн энэ өдөр хосын тэмцээнээр үргэлжлэн явагдлаа. Эрэгтэй хосын төрөлд өрсөлдсөн О.Баасандорж, С.Мянганбаяр нар эхний тоглолтонд Тайваны хос Ко Финг Чинг, Ко Фин Еи нартай тоглон 11:5 оноогоор хожигдон тэмцээнээ дуусгалаа.

Эмэгтэй хос тамирчдын хувьд эхний тойрогт Тайваны хос болох Вей Тизу, Куо Сзу нартай тоглон 9:2 харьцаагаар хожигдсон ч дараагийн шатанд тоглох юм.

Тайваны их сургууль дээр явагдаж байгаа ОУОСХ-ны “Спортын хөгжлийн тухай” сэдэвт эрдэм шинжилгээний олон улсын хуралд Үндэсний БТДС-ийн захирал шинжлэх ухааны доктор, профессор Л.Алтанцэцэг, МОСХ-ны ерөнхий нарийн бичгийн дарга, доктор Д.Жаргалсайхан нар оролцлоо.

8 САРЫН 29-НИЙ ӨДРИЙН ТЭМЦЭЭНИЙ ХУВААРЬ

Бильярд: Б.Уянга, Б.Нарантуяа 9 бөмбөгийн хосын төрөлд Сингапурын тамирчид болох Онг Руй, Вонг Ли Тингтэй нартай хүрэл медалийн төлөө тоглоно.

Тайваны их сургууль дээр эхлэх ОУОСХ-ны “Спортын хөгжлийн тухай” сэдэвт эрдэм шинжилгээний олон улсын хуралд 8 сарын 27-29-нд Үндэсний БТДС-ийн захирал шинжлэх ухааны доктор, профессор Л.Алтанцэцэг, МОСХ-ны ерөнхий нарийн бичгийн дарга, доктор Д.Жаргалсайхан нар үргэлжлэн оролцоно.

МОНГОЛЫН ОЮУТНЫ СПОРТЫН ХОЛБОО