Наадмын техникийн ерөнхий зөвлөгөөн 10 дугаар сарын 23-ны өдрийн 12:00 цагт Спортын төв ордоны 1 давхарт хурлын өрөөнд боллоо.

Энэхүү хуралд 31 их, дээд сургууль, коллежийн захирал удирдлагууд, Биеийн тамирын тэнхимийн эрхлэгч, биеийн тамирын багш нарын зэрэг 50 орчим төлөөлөгчид оролцлоо.

Хурлын ажиллагаанд МОСХ-ны Ерөнхий нарийн бичгийн дарга, гавьяат дасгалжуулагч Д.Жаргалсайхан, БТСУХ-ны Спортын хэлтсийн ахлах мэргэжилтэн Б.Нямсүрэн, МОХ-ны Ерөнхий нарийн бичгийн дарга, ЗБХ-ны гишүүн Э.Дөлгөөн нарын зэрэг албаны хүмүүс оролцож наадмын заавар, 11 сарын 02-нд явагдах нээлтийн ёслолын тухай, рейтинг тогтоосон тухай мэдээлэл өглөө.

Энэ удаагийн наадмаас эхлэн Универсиад 2020 оролцох багууд нь тамирчдын бүртгэлээ цахимаар тусгайлсан вэб сайтаар www.sportgames.mn ашиглан онлайнаар дамжуулан мэдүүлгээ ирэх 7 хоногийн хугацаанд багтаан бүртгүүлэх болсон юм. Иймд сургуулиудын бүртгэл хариуцсан хүмүүст техникийн зөвлөгөөний үеэр ЗБХ-ны IT хариуцсан менежер Б.Батбаяр тусгайлсан сургалтыг явуулж, бүртгэлийн кодыг өгсөн байна.