Азийн оюутны аварга шалгаруулах шатрын анхдугаар тэмцээнд Монгол улсын оюутны шигшээ баг тамирчид оролцохоор Бээжин хотыг зорилоо. Тэмцээн БНХАУ-ын Бээжин хотноо 2015 оны 10 дугаар сарын 18-25-ны өдрүүдэд зохион байгуулагдах ба Монгол улсаа төлөөлөн МУИС-ийн оюутан Б.Ариунбүүвэй (Спортын мастер), Б.Галмандах (Дэлхийн шатрын холбооны мастер), Б.Ану (ОУ-ын шатрын холбооны мастер), Р.Амгаланбаатар (Спортын мастер), ИЗИС-ийн оюутан Б.Ариунболд, ШУТИС-ийн оюутан Л.Соронзонболд, МУБИС-ийн оюутан Э.Хулан дасгалжуулагчаар Монгол улсын гавьяат дасгалжуулагч, ОУ-ын мастер, МШХ-ны дэд ерөнхийлөгч П.Жигжидсүрэн ажиллаж байна.

Манай баг тамирчид өмнө нь Дэлхийн оюутны аварга шалгаруулах тэмцээнд амжилттай оролцон 4 дүгээр байр эзэлж байсан түүхтэй бөгөөд энэ удаагийн Азийн аварга шалгаруулах тэмцээнд хувийн амжилтаа ахиулан багаараа медальт байранд шалгарах зорилго тавьсан байна.

МОНГОЛЫН ОЮУТНЫ СПОРТЫН ХОЛБОО